Pavlodarda óńirdiń úzdik memlekettik qyzmetshileri men ardagerler marapattaldy
Memlekettik qyzmetshilerdi QR Memlekettik qyzmet jáne jemqorlyqqa qarsy is-qımyl agenttigi departamenti basshysynyń orynbasary Gúlmıra Qalıeva quttyqtady, dep habarlaıdypavlodarnews.kz .
«Pavlodar oblysynda 5 myńnan astam memlekettik qyzmetshi bar. Bizdiń memleketimizdiń eń basty jetistigi - memlekettik qyzmetshiler ambıtsııasynyń jaqsy qalyptasýy. Eger kez kelgen maman «men memlekettik qyzmetshimin» dep ózin memlekettiń bet-beınesi retinde sezinetin bolsa, azamattarda oǵan degen senim men qurmet bolady. Óıtkeni ol basqalarǵa úlgi bolýy shart. Aımaqtaǵy memlekettik qyzmettiń damýyna baǵa jetpes úles qosqandaryńyz úshin barlyǵyńyzǵa alǵys aıtamyn», - dedi Gúlmıra Qalıeva.
Departamenttiń Alǵys haty memlekettik qyzmet salasynyń ardagerleri Ásııa Serǵazınaǵa, Nurlan Ramazanovqa, Ǵabdýlǵanı Ibragımovqa tabys etildi. Sondaı-aq, memlekettik qyzmet salasynda kóp jyl qyzmet etken eńbek áýletterine de qurmet kórsetildi.
Shara sońynda ózderiniń is-tájirıbesimen úlgi bolyp kele jatqan úzdik mamandar da marapattaldy.