Pavlodarda munaı ónimderin zańsyz tasymaldaǵandar ustaldy
Pavlodar oblystyq polıtsııa departamentiniń málimetinshe, jergilikti jedel ýákilder munaı ónimderin zańsyz tasymaldaǵan qylmyskerlerdiń jolyn kesti.
- «Quqyqtyq tártip» jedel aldyn alý is-sharasyn ótkizý barysynda Krımınaldyq polıtsııa basqarmasynyń qyzmetkerleri janar-jaǵarmaı ónimderin jymqyrdy degen kúdikpen birneshe adamdy ustady. Olar Pavlodar qalasynyń avtojanarmaı quıý stantsııalaryna munaı ónimderin tasymaldaýmen aınalysatyn oblys ortalyǵyndaǵy uıymynyń qyzmetkerleri bolyp shyqty. Kúdiktiler aldyn ala daıyndalǵan. Olar tasymaldanatyn otyndy jetkizý jáne quıýmen aınalysqan,- dep habarlady Pavlodar oblysy polıtsııa departamentiniń bastyǵy Nurlan Másimov.
Polıtsııa jedel-izdestirý sharalarynyń nátıjesinde qylmys jasady degen kúdikpen 1971 jáne 1974 jyldary týǵan eki pavlodarlyq ustaldy. Aldyn ala keltirilgen shyǵyn shamamen 17 mln teńgeni qurady.
Atalǵan fakti boıynsha Qazaqstan Respýblıkasy QK-niń 189-baby 4-tarmaǵynyń 2-bólimi boıynsha sotqa deıingi tergeý bastaldy. Kúdiktilerge qatysty «eshqaıda shyqpaý týraly» qolhat túrinde bultartpaý sharasy tańdaldy.