Pavlodarda munaı-gaz jabdyqtaryn shyǵaratyn zaýyt iske qosyldy
Bul joba Indýstrııalandyrý kartasy sheńberinde júzege asyryldy. Óndiristik alańdy qurý men damytý sharalaryna 246 mln teńgeden astam qarjy ınvestıtsııalanǵan.
«Kásiporyn jylý almasý apparattaryn, kondensatorlar, aýany salqyndatatyn apparattar, krıogendik jabdyqtar, qubyr bólshekteri men qubyrlardyń kóptegen túrlerin, túrli metall konstrýktsııalaryn shyǵarady. Óndiris orny óndiriletin taýar jelisin odan ári keńeıtýdi josparlap otyr. «KazPromBezopasnost PV» JShS óndiristik alańynda joǵary sapaly ónimdi daıyndaý úshin barlyq talaptarǵa jaýap beretin zamanaýı jabdyqtar ornatylǵan», - dep málimdedi Indýstrııa jáne ınfraqurylymdyq damý mınıstrliginen.
Óndiris alańynda qosymsha 40 jumys orny ashylǵan. Aldaǵy ýaqytta kásiporyndaǵy qyzmetkerler sanyn 150 adamǵa deıin jetkizilmek.