Pavlodarda monsha-kir jýý kesheniniń qazandyǵy jaryldy

<p>PAVLODAR. KAZINFORM - Jarylystan qazandyq qabyrǵalary qulaǵan. Kirpish qaldyqtary monshaǵa jaqyn jerdegi turaqqa qoıylǵan birneshe avtokólikti zaqymdaǵan.</p>

Óńirlik tótenshe jaǵdaılar departamentiniń baspasóz qyzmeti habarlaǵandaı, jarylys búgin keshkisin bolǵan. Qazandyqta otyn retinde suıytylǵan gaz paıdalanylǵan.

«19 maýsym kúni saǵat 19.39-da Pavlodar qalasyndaǵy monsha-kir jýý kesheniniń aýmaǵyndaǵy qazandyqtyń bir qabatty ǵımaratynda jarylys boldy. Bý qazandyǵynda sańylaý paıda bolyp, saldarynan gaz-aýa qospasynyń jarylysy týyndaǵan. Onyń áserinen ǵımarattyń jalpy aýmaǵy 20 sharshy metr qabyrǵasy qulady. Sonymen qatar jaqyn mańda turǵan jeńil avtokólikter zaqymdandy. Qurbandar men zardap shekkender joq», dep málimdedi departamentten.

Oqıǵa ornynda tótenshe jaǵdaılar departamentiniń 9 qyzmetkeri men 4 qutqarýshy, sondaı-aq apattar medıtsınasy ortalyǵy men polıtsııa departamentiniń qyzmetkerleri jumyldyryldy.

Eske sala keteıik, Oralda bazarda mal soıatyn orynda gaz ballony jaryldy.