Pavlodarda merzimi ótip ketken azyq-túlikter satylyp kelgen

<p>PAVLODAR. KAZINFORM - Tekserýshiler dúkenderdiń sórelerindegi nan, maı, sút, pisirilgen shujyq, sýsyn jáne táttilerdiń jaramdylyq merzimderin tekserip, 20-dan astam zań buzýshylyqty anyqtady. Kemshilikterdiń kóbi kondıterlik ónimderge qatysty.</p>

Óńirlik saýda jáne tutynýshylardyń quqyqtaryn qorǵaý departamentiniń mamandary kóptegen dúkenderdi aralap, azy-túliktiń 36 túrin teksergen. Ónimderdiń jaramdylyǵy men tańbalanýyna qatysty 20-dan astam zań buzýshylyq anyqtaldy.

Jaqynda ótken tekserý nátıjesinde merzimi ótken azyq ónimderine qatysty tórt jaǵdaı tirkelgen.

«Oblys aýmaǵynan 36 azyq-túlik túrine satyp alý júrgizilip, 26 kemshilikti tirkedik. Keıbir jerde kúnbaǵys maıy men pisirilgen shujyqtardyń jaramdylyq merzimi ótip ketken. Buǵan qosa sýsyndar, ósimdik maıy, nan-toqash ónimderi, kondıterlik ónimder, azyq-túliktik emes ónimder boıynsha tańbalanýda qatelikter jiberilgen», - dep habarlady departamentten.

Qazir «Sapaly ónim» jobasy aıasynda qaýipti ónimderdi anyqtaý jumystary jalǵasyp jatyr. Qoǵamnyń bastama kóterýimen Pavlodar oblysynda azyq-túliktiń 58 túrine, sonyń ishinde konservilerge, sút ónimderine, jemis-jıdek pen jumyrtqaǵa, nan jáne makaron ónimderine tekserýler júrgizilgen. Ónimderdiń 43 túrinen kemshilikter anyqtaldy.

Buǵan deıin Pavlodar oblysy keıbir azyq-túliktiń arzandyǵy boıynsha elimizdegi bestikke kiretinin jazǵanbyz.