Pavlodarda qurylysy bes jylǵa sozylyp kelgen turǵyn úıler paıdalanýǵa berildi

<p>PAVLODAR. KAZINFORM - Áýejaı qalashyǵy aýdanyndaǵy bul nysandar antıkordyń baqylaýyna alynǵan. Qurylysyna bıýdjetten 755 mln teńge jumsaldy.</p>

Bul týraly óńirlik antıkor qyzmetinen habarlady.

«Pavlodar qalasynda 5 jyldyq «tarıhy» bar qurylys nysany paıdalanýǵa berildi. Bul áýejaı qalashyǵyndaǵy «2 jáne 4 tıpti» avıaqaladaǵy bir páterli turǵyn úılerdiń qurylysy. Olardyń qurylysyna bıýdjetten shamamen 755 mln teńge bólindi. Búginde antıkor qyzmetiniń baqylaýynda 3 nysan qalyp otyr. Olar - Aqsý qalasyndaǵy jylytý qazandyǵy men 9 qabatty turǵyn úı qurylysy, sondaı-aq Baıanaýyl aýdany Jumat Shanın aýylyndaǵy sý qubyry jobasy. Atalǵan jobalar aıaqtalý satysynda», dep málimdedi antıkor qyzmetinen.

Byltyr antıkor mamandary Pavlodar oblysy boıynsha qurylysy uzaqqa sozylǵan 10 nysandy baqylaýyna alǵan. Olardyń 7-eýi búginde aıaqtaldy.

Foto: Pavlodar oblysynyń jemqorlyqpen kúres qyzmeti

Eske sala keteıik, buǵan deıin Pavlodar oblysyndaǵy 5 qurylys antıkordyń jiti nazarynda ekenin habarlaǵanbyz.