Pavlodarda qurylǵan arheologııalyq ekspedıtsııa kóne zaman eskertkishterin zertteıdi

<p>PAVLODAR. KAZINFORM - Marǵulan ýnıversıtetinde &laquo;Uly dala&raquo; kóne jádigerlerin zertteý boıynsha XIX arheologııalyq ekspedıtsııa quryldy. Arheologııalyq qazba jumystary barysynda ýnıversıtet ǵalymdary men stýdentteri Ertis ózeni alqaby men Baıanaýyldaǵy ejelgi qorǵandardy, Soltústik jáne Shyǵys Qazaqstandaǵy qalashyqtar men kesenelerdi zertteýge qatysady.</p>

Ýnıversıtet janyndaǵy arheologııalyq ǵylymı zertteý ınstıtýtynyń dırektory Tımýr Smaǵulovtyń aıtýynsha, arheologııalyq ekspedıtsııa óz jumysyn Baıdaly aýyly aýmaǵynda qımaq-qypshaq kezeńine jatatyn kóne jádigerlerdi zertteýden bastaıdy. 

«Stýdentterdi mundaı ekspedıtsııalarǵa ǵalymdarmen birge jumyldyrý biz úshin mańyzdy. Bizdiń ýnıversıtet Álkeı Haqanulynyń esimin alǵannan keıin jaýapkershiligimiz arta tústi. Sondyqtan, stýdentter ǵylym jolyna, sonyń ishinde arheologııa salasyna kóbirek bet burýy kerek. Álkeı Marǵulan 1946 jyly dalalyq ekspedıtsııalardy bastaǵan kezde basynan túrli jaǵdaılar ótti. Biraq, ǵalymqıyndyqqa moıymaı óz mindetin adal atqarǵany málim. Qanshama tarıhı jádigerler osyndaı tabandy ekspedıtsııalardyń nátıjesinde tabyldy», deıdi gýmanıtarlyq ǵylymdar joǵary mektebiniń dekany Anara Kárimova.

Aıtyp óteıik, bıyl Álkeı Marǵulannyń týǵanyna 120 jyl toldy.

Ǵalym stýdenttik shaqta kúndeligine ne jazǵanyn myna siltemeden oqyńyz.