Pavlodarda qulaǵan shyrsha: Ákimdik sotta jeńilip tyndy

<p>PAVLODAR. KAZINFORM — Jyl basynda Arqanyń alaı-túleı boranyna shydamaı omaqasa qulaǵan jańajyldyq shyrshanyń konstrýktsııasy jańasyna aýystyrylmaıtyn boldy. Quny 59 mln teńge turatyn shyrsha aldaǵy merekede qaıta qurylady.</p>

Pavlodar oblystyq sotynyń apellıatsııa alqasy Pavlodar qalasynyń ortalyq alańynda kúshti jelge shydamaı qulaǵan merekelik bas shyrshany fors-majorlyq jaǵdaıdan bolǵan dep tanydy.

Soǵan oraı jetkizýshi kompanııa ony jańasyna aýystyrmaıtyn boldy.

Esterińizde bolsa, bıylǵy 10 qańtar kúni Pavlodarda 52 mln teńgeniń shyrshasy qulap qalǵan edi. 

Bul shyrshaǵa bıýdjetten bólingen qarajat daý týdyrǵan. Keıin oǵan shyn máninde 59 mln teńge bólingeni anyqtaldy.

Qalanyń kommýnaldyq mekemesi konstrýktsııasyna nuqsan kelgen shyrshany jetkizýshi kásipker jańasyna aýystyryp bersin degen talappen sotqa shaǵymdanǵan.

Mamandandyrylǵan aýdanaralyq ekonomıkalyq soty bul talapty qanaǵattandyrǵan.

Biraq keıin oblystyq sot sheshimniń kúshin joıyp, tabıǵı fors-majorlyq jaǵdaıǵa eshbir tarap jaýapty bola almaıdy degen qorytyndyǵa keldi.

Jyl basynda Semeıde de qatty jelden bas shyrsha qulaǵanyn jazǵan edik