Pavlodarda qubyr jarylyp, 6 turǵyn úıde jylý berý ýaqytsha toqtatyldy

<p>PAVLODAR. KAZINFORM - Pavlodardaǵy Toraıǵyrov kóshesiniń boıynda oramishilik jylý jelisinen aqaý shyqty. Saldarynan 6 turǵyn úı men 2 áleýmettik nysanda jylý berý toqtatyldy.&nbsp;</p>

Qala ákimi baspasóz qyzmetiniń habarlaýynsha, aqaýdy qalpyna keltirý jumystary bastalǵan. 

«Qubyrǵa jalǵanǵan Toraıǵyrov kóshesi, 52, 54, Akademık Bekturov kóshesi, 7, 9, 11, 15 turǵyn úıleri jáne 2 áleýmettik nysan jylý júıesinen ajyratyldy. Aqaýdy joıý jumystary shamamen saǵat 19.00-ge deıin aıaqtalady. Oqıǵa ornyna qala ákimdiginiń turǵyn úı ınspektsııasynyń ókilderi bardy», - dep málimdedi baspasóz qyzmetinen. 

Qazirgi ýaqytta «Pavlodar jylý jelileri» JShS brıgadalary aqaýdy joıý jumystaryn júrgizýde. Oqıǵa ornynda 15 adam men 4 arnaıy tehnıka jumys istep jatyr.