Pavlodarda kópqabatty 360 úı ystyq sýsyz otyr

<p>PAVLODAR. KAZINFORM - &laquo;Pavlodarenergo&raquo; AQ qyzmetkerleri qazirgi ýaqytta gıdravlıkalyq synaý kezinde anyqtalǵan aqaýlardy joıýǵa kirisip ketti. Qala boıynsha jelilerdiń 83 jerinen jaryq shyqqan.</p>

Kommýnaldyq jelilerge jaýapty kásiporyn ókilderiniń aıtýynsha, oblys ortalyǵyndaǵy ystyq sý toraptaryna tamyz aıynyń basynda gıdravlıkalyq synaýlar júrgizilgen. Nátıjesinde mamandar 83 aqaýdy anyqtady. Qubyrlardyń tesilgen jerleri kóbine ishkikvartaldyq jelilerde anyqtalǵan - 69 aqaý. Al magıstraldik jelilerde 14 aqaý belgili boldy.

- Aqaýlardy joıý úshin qazirgi ýaqytta jóndeý brıgadalary jumys istep jatyr. Qubyrlar qysqa shydas berýi úshin álsiz ýchaskelerdi jónge keltiremiz. Qala boıynsha qazirgi sátte shamamen kópqabatty 360 úı ystyq sýsyz qalyp otyr. Olardyń barlyǵy 5 qyrkúıekke deıin qosylady degen jospar bar. Úılerdiń basym bóligi magıstraldik jelilerde tabylǵan jaryqtarǵa baılanysty ystyq sýdan ajyratyldy, - dep habarlady «Pavlodarenergo» AQ baspasóz qyzmetinen.

Mamandardyń aıtýynsha, Pavlodardyń ońtústik bóligindegi qubyrlardan aqaýlar jıi anyqtalady. Osy apta basynda shahardyń JEO-2 jáne JEO-3 stansalaryna qosylǵan ońtústik bóliginde gıdravlıkalyq synaýlar aıaqtalǵan. Endi bul aýmaqta da anyqtalǵan aqaýlardy joıý is-sharalary júrgiziledi.

Eske sala keteıik, Pavlodarda 468 kópqabatty úı jylý maýsymyna daıyn.