Pavlodarda kólik paıdalaný erejesin buzǵany úshin eki myńǵa jýyq júrgizýshi jazalandy

<p>PAVLODAR. KAZINFORM -Azamattar kóbine kóliktiń aldyńǵy búıir terezelerin qarańǵylaýǵa beıim. Bul júrgizýshi úshin kórinisti nasharlatady deıdi polıtseıler.</p>

Kólik quraldaryn paıdalaný erejesin buzǵany úshin jyl basynan beri 1889 júrgizýshi ákimshilik jaýapkershilikke tartyldy.

Mysaly Pavlodarda patrýldik polıtsııa batalonynyń ınspektorlary VAZ 21144 markaly avtokólikti toqtatqan. 

Onyń aldyńǵy búıir áınekterinde qosymsha zattar – perdeler bolǵan. Júrgizýshi polıtsııa talaptaryna túsinistikpen qarady.

Taǵy bir jaǵdaıda Hyundai Tucson kóliginiń júrgizýshisi aldyńǵy áınegine jáne esiktiń búıirlik terezelerine kórinisti nasharlatatyn plenka japsyrǵan. 

«Polıtseılerdiń qatysýymen olar plenkany ózderi alyp tastady. Júrgizýshiler jaýapkershilikke tartylyp, árqaısysyna 10 aılyq eseptik kórsetkish mólsherinde aıyppul salyndy. Júrgizýshiniń kórýin shekteıtin sebepterdiń biri – aldyńǵy jáne aldyńǵy búıirlik áınekterdiń qarańǵylanýy. Bul, ásirese qarańǵy ýaqytta qaýipti. Atalǵan tereze aýmaqtaryna móldir tústi plenkalardy jabýǵa nemese japsyrýǵa tyıym salynady», – dep túsindirdi vzvod komandıriniń mindetin atqarýshy Jánibek Shákirov.

Eske sala keteıik, keshe Kólik mınıstri aqyly jol tarıfin 20% kóterýdi usynǵan edi.