Pavlodarda qoqys shyǵarý tarıfi ósýi múmkin
«Pavlodarda baktardan qoqys shyǵaratyn «Spetsmashın» JShS tarıfti eki esege qymbattatpaq. Osy jyldyń 30 qańtarynda «Spetsmashın» JShS ákimdikke 2020 jyldyń 31 qańtarynan bastap qatty turmystyq qaldyqtardy shyǵarý boıynsha qyzmet kórsetýdi toqtatyny týraly hat joldady», - dedi Pavlodar ákiminiń baspasóz qyzmeti.
«Spetsmashın» JShS basshylyǵy ótken jyldyń sońynda turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimderine óz qyzmetterine baǵany kóterý týraly ótinish bildirgen.
Óz kezeginde atalǵan bólimder qujattardy qalalyq máslıhatqa osy máseleni qaraý úshin bergen.
«TKSh máseleleri jónindegi komıssııa tarıf ózgertilgen jaǵdaıda jeńildik qarastyrylatyn azamattardy, atap aıtqanda kópbalaly jáne az qamtylǵan otbasylardy esepke alý kerektigi týraly sheshim qabyldady», - dedi ákimdikten.
Besinshi jáne jetinshi aqpanda tarıfti kóterý týraly qujatty qaraý boıynsha máslıhat otyrysy ótedi. Sodan keıin máslıhat qujattardy Ádilet mınıstrligine jiberedi.
«Óz kezeginde ákimdik qala turǵyndarynyń quqyǵyn qorǵap, ekologııa departamentine, taýarlar men qyzmetter sapasyn baqylaý departamentine, sondaı-aq antımonopolııalyq departament pen prokýratýraǵa hat joldady», - dep atap ótti Pavlodar qalalyq ákimdiginen.