Pavlodarda kitaphana túnine 600-den astam adam keldi

ASTANA. QazAqparat - Pavlodarda S. Toraıǵyrov atyndaǵy oblystyq kitaphanada «Rýhanı jańǵyrý» baǵdarlamasy aıasynda Halyqaralyq Djavaharlal Nerý atyndaǵy syılyqtyń laýreaty Amanjol Shamkenovtyń 90 jyldyǵyna oraı «Kitaphana álemi» atty sharaǵa 600-den astam adam keldi, dep habarlaıdy pavlodarnews.kz .

 «Gadjetterińizdi óshińizder, búgin biz sizderge kitap oqyǵan áleýmettik jelilerde otyrǵannan áldeqaıda qyzyqty ekenin dáleldeımiz», - dedi jınalǵandarǵa júrgizýshi. Keshki saǵat 18:30-da «kitaphanada tynyshtyqty saqtańyzdar» degen ereje buzyldy. Qonaqtar úshin qyzyǵýshylyqtar boıynsha túrli alańdar men kitap ınstallıatsııalary jumys istedi.
 

 

 

 Osyǵan uqsas shara kitaphanada 2014 jyly ótken, degenmen oblys kóleminde alǵash ret uıymdastyrylyp otyr. Barlyq 13 aýdannyń kitaphanalary ózderiniń ekspozıtsııalaryn usyndy. Kitaphana seriktesteriniń biri - J. Aımaýytov atyndaǵy mýzykalyq-drama teatry boldy. Akter Danııal Asenov Abaı Qunanbaevtyń shyǵarmashylyǵynan jáne Gúljanat Omarova Júsipbek Aımaýytovtyń «Aqbilek» romanynan eki monoqoıylym usyndy. Sharanyń ekinshi seriktesi - «Madlena» tort dúkender jelisi kitaptardan ázirlengen tort túrinde tosynsyı jasady. Oqý zalynda teatraldy alań jumys istedi. Oblystyq kitaphananyń «Voıaj» teatry kitaphanashynyń kitaptardy paraqtap otyrǵanyn jáne kitaptardan keıipkerler shyǵyp jatqanyn kórsetti. Osy alańda «Promen» jastar teatrynyń akterleri óner kórsetti. Olar ózderiniń qoıylymdarynan birneshe úzindi usyndy.
 

Bul keshke oblys ákiminiń orynbasary Meıram Begentaev, oblystyq basqarmanyń basshylary qatysty. Olar Amanjol Shamkenovtyń óleńderine án salyp, týyndylaryn oqydy. Qonaqtar Aqyn Alaqanuly, Sholpan Baıǵaly, ıÝrıı Pomınov jáne Olga Grıgoreva sııaqty Ertis óńiriniń tanymal aqyn, jazýshylarymen áńgimelesti.
 

 Ekinshi qabattaǵy sheberhanada qalanyń sheberleri, músinshi Dáýren Dosjanov balalarǵa sazdan músin jasaýdy úıretti.