Pavlodarda Qazaqstan báıge jarystarynyń 6-irikteý týry ótti

PAVLODAR. QazAqparat – Pavlodardaǵy «Qulager» ıppodromynda Qazaqstan Respýblıkasy báıge jarystarynyń 6-irikteý týry ótti, dep habarlaıdy QazAqparat Pavlodar oblysy ákimdiginiń resmı saıtyna silteme jasap.

Týrnırge elimizdiń ár óńirinen 46-ǵa jýyq tulpar qatysyp, «Qunan báıge», «Top báıge» jáne «Alaman báıge» boıynsha baq synasty.

«Memleket basshysy Qasym-Jomart Toqaev Ulttyq sportty damytýǵa erekshe kóńil bóledi. Pavlodarda, Ertis óńirinde osyndaı jarystardy ótkizýdiń negizgi maqsaty – ulttyq sport túrlerin nasıhattaý, dástúrli at jarystarynyń deńgeıin arttyrý, óskeleń urpaqtyń salaýatty ómir saltyn qalyptastyrý. Jeńimpazdardy quttyqtaımyn jáne jańa jetistikterge jete berýlerin tileımin», - dedi aımaq basshysy Asaıyn Baıhanov jeńimpazdardy quttyqtaý sózinde.

Atap aıtqanda, Almaty qalasynyń, Pavlodar, Shyǵys Qazaqstan, Abaı jáne Jambyl oblystarynyń sportshylary týrnırdiń jeńimpazdary atandy.