Pavlodarda qazaq teatry respýblıkalyq synshylar júldesine ıe boldy

<p>PAVLODAR. KAZINFORM -&nbsp; Qazaqstan teatr synshylarynyń birlestigi 2024 jylǵy otandyq teatrlar shyǵarmashylyq úderisteriniń baǵyt-baǵdaryn, repertýarlyq saıasatyn jəne kórkemdik izdenisterin anyqtaý maqsatynda júrgizilgen monıtorıng nátıjesin usyndy.</p>

Synshylar júldesinde Pavlodar oblystyq J.Aımaýytov atyndaǵy qazaq mýzyka-drama teatry eki birdeı nomınatsııada jeńimpaz atandy. 

Foto: Esenjol Isabek

- «Synshylar júldesi» – Qazaqstan teatrlarynyń búgingi shyǵarmashylyǵy men tynys-tirshiligindegi zamanaýı úrdister men úderisterdi der kezinde aıqyndap, olarǵa baǵa berý maqsatynda dástúrli túrde ótkizilip keledi. Bul keshte tek úzdikter anyqtalyp qana qoımaı, otandyq teatr ujymdarynyń jyl qorytyndysy usynyldy. Teatr synshylary júrgizetin monıtorıng respýblıkamyzdyń túkpir-túkpirinde sahnalanǵan premeralardy qamtıdy, - dep atap ótti «Qazaqstan teatr synshylary birlestiginen.

Pavlodarlyq teatr «Balalarǵa arnalǵan jyl qoıylymy» nomınatsııasyn «Djýdıt jasaǵan qıyn tańdaý» spektakl-shoýymen jeńip aldy. Sondaı-aq, «Buqaralyq aqparat quraldarymen úzdik jumys jasaǵan teatr» nomınatsııasynda úzdik shyqty. 

Foto: Esenjol Isabek

Eske sala keteıik, Pavlodardaǵy qazaq teatrynda otbasy qundylyǵyn sıpattaıtyn erekshe qoıylym sahnalandy. 

Al qyrkúıek aıynda Pavlodarda Alash arysy Júsipbek Aımaýytovtyń 135 jyldyq mereıtoıyna arnalǵan «Ertis-Baıan» І respýblıkalyq teatr festıvali ótti. 

Pavlodarlyq qazaq teatry respýblıkalyq teatrlar synynda B.Soqpaqbaev atyndaǵy júldege ıe boldy.