Pavlodarda katodty mys shyǵaratyn óndiris orny qurylyp jatyr

<p>PAVLODAR. KAZINFORM - Jobany iske asyrýǵa jeke kompanııanyń esebinen 9,4 mlrd teńge ınvestıtsııa quıylady. Jylyna 5000 tonna katodty mys shyǵarylady degen jospar bar. Bul týraly Pavlodar oblysy ákiminiń baspasóz qyzmetinen habarlady. Mys kontsentratyn aıyryp alatyn taý-ken kásipornynyń baıytý fabrıkasy Ekibastuz qalasynyń aýyldyq aımaǵyndaǵy Marǵulan aýyly mańynda ornalasqan.</p>

«Pavlodar oblysynyń ákimi Asaıyn Baıhanov «Fonet Er-Tai Mining» JShS kompanııalar tobynyń basshylyǵymen kezdesý ótkizdi. Qazirgi ýaqytta «Fonet Er-Tai AK MINING» JShS «Kodjanchad ken kórinisteri tobynyń» ken oryndarynan katodty mys óndiretin gıdrometallýrgııalyq zaýyt salý» iri ınvestıtsııalyq jobasyn iske asyrýǵa kirisip ketti. Investıtsııa kólemi - 9,4 mlrd teńge. Zaýyt jylyna 5000 tonna katodty mys shyǵarý qabileti ıe bolady. Jańa óndiriste 300 jumys orny ashylady», dep málimdedi oblys ákiminiń baspasóz qyzmetinen.

Foto: Valerıı Býgaev

Taraptar 2024-2026 jyldarǵa kózdelgen ınvestıtsııalyq jobany iske asyrýdyń barlyq kezeńderin talqylady. Búgingi tańda «KEGOC» AQ-men elektr qýatymen qamtamasyz etetin jelilerdi salýǵa kelissózder júrgizilip, qosylýǵa tehnıkalyq sharttar alynǵan. Atalǵan joba óńirdegi basymdyqqa ıe ınvestıtsııalyq jobalar pýlyna enedi degen jospar bar.