Pavlodarda kásipkerdiń isin tartyp alýǵa árekettengen qylmysker ustaldy

<p>PAVLODAR. KAZINFORM - Pavlodarda iri ónerkásiptik kásiporyndardyń birin reıderlik jolmen basyp alýǵa tyrysqan qylmys áleminiń serkesi ustaldy. Qylmystyq quqyq buzýshylyqtyń saldarynan ıelerine 1 mlrd teńgeden astam shyǵyn keltirilgen.</p>

Pavlodar oblysy boıynsha ekonomıkalyq tergep-tekserý departamenti óńirlik prokýratýranyń kelisýimen buryn tirkelgen sotqa deıingi tergep-tekserý barysynda Pavlodar qalasynyń iri ónerkásiptik kásioryndarynyń birin basyp alý reıderlik áreket jasaǵan qylmys áleminiń serkesin áshkereledi.

«Qylmystyq quqyq buzýshylyqtyń saldarynan ıelerine 1 mlrd teńgeden astam shyǵyn keltirilgen. Jeke jáne zańdy tulǵalardyń jyljymaly jáne jyljymaıtyn múlkin basyp alýdyń ózge de faktileri anyqtaldy. QR Qylmystyq protsestik kodekstiń 201-babyna sáıkes, tergeý múddesin kózdeıtin ózge de málimetter jarııa etýge jatpaıdy», -dep habarlady oblystyq ekonomıkalyq tergep-tekserý departamentinen.

Pavlodar qalasy mamandandyrylǵan tergeý sotynyń sanktsııasymen qylmys jasaǵan kúdikti 2 aı merzimge qamaýǵa alyndy.

Eske sala keteıik, Pavlodarda 2,6 mlrd teńge bıýdjet qarajatyn tıimsiz jumsamaq bolǵan.