Pavlodarda qaraqshy balaǵa zorlyq kórsetip, úıdi tonap ketti

PAVLODAR. QazAqprat – Pavlodarda er adam jer úıge basa kóktep kirip, anasynyń kózinshe kámeletke tolmaǵan qyzǵa zorlyq-zombylyq kórsetken. Keıin úıden 250 myń teńge alyp ketken, dep habarlaıdy QazAqparat polisia.kz-ke silteme jasap.

«Polıtsııaǵa qala turǵyny kelip, qaraqshylyq shabýyl týraly habarlady. Dereý oqıǵa ornyna jedel-tergeý toby jiberildi.

Anyqtalǵandaı, belgisiz er adam Buqar Jyraý kóshesindegi úıge zańsyz kirip, kámeletke tolmaǵan 15 jastaǵy qyzyna zorlyq-zombylyq kórsete otyryp, tapanshaǵa uqsas zatpen qorqytqan. Solaı 250 000 teńge qarajatyn ıemdengen.

Arnaıy is-sharalar bastalyp, onyń barysynda polıtseılerdiń kásibıligi men jedeldiginiń arqasynda oblys ortalyǵynyń 48 jastaǵy turǵyny»izin sýytpaı«ustaldy.

QR Qylmystyq kodeksiniń 192-baby 3-bóligi boıynsha sotqa deıingi tergeý júrgizilip jatyr», - delingen habarlamada.

Málim etilgendeı, kúdikti ýaqytsha ustaý ızolıatoryna qamaldy. Tergeý jalǵasýda.