Pavlodarda kadet mektebinde oqýshylar tóbelesip, úsheýi jaraqattandy

<p>PAVLODAR. KAZINFORM &mdash; Qabanbaı batyr atyndaǵy &laquo;Jas sarbaz&raquo; oblystyq mamandandyrylǵan áskerı mektep-lıtseı-ınternatynyń shákirtteri jappaı tóbelesip, 3 oqýshy jaraqat aldy. Atalǵan jaıt boıynsha qylmystyq is qozǵaldy.</p>

Óńirlik polıtsııa departamentiniń deregine súıensek, 2007-2008 jyly týǵan oqýshylar arasynda janjal týyndap, onyń sońy jappaı tóbeleske ulasqan.

«Polıtsııa qyzmetkerleri mektep kabınetteriniń birinde tóbeles bolǵanyn anyqtady. Onyń barysynda kámeletke tolmaǵan úsh oqýshy dene jaraqattaryn alǵan. Olarǵa medıtsınalyq kómek kórsetilip, úılerine jiberildi. Qazirgi ýaqytta QR Qylmystyq kodeksiniń 293-baby, ıaǵnı buzaqylyq boıynsha sotqa deıingi tergeý amaldary júrgizilip jatyr», - dep habarlady polıtsııa departamenti bastyǵynyń birinshi orynbasary Jasqaırat Qaıyrov.

Mamandardyń aıtýynsha, oqý ornynda tekserý júrgiziledi. Onyń nátıjesinde bilim uıasynyń qyzmetkerlerine qatysty tártiptik jaza qoldanylady.

Eske sala keteıik, buǵan deıin Pavlodarda mektep oqýshysy synyptasy men muǵalimine pyshaq salǵany týraly jazǵan edik.  Keıin kináli jasóspirimniń psıholog kómegine muqtaj bolǵany anyqtaldy.