Pavlodarda ishimdik iship, sýǵa túsken jigit batyp kete jazdady

PAVLODAR. QazAqparat - Pavlodarda sýǵa batqan jigit qutqaryldy, dep habarlaıdy QazAqparat oblystyq TJD baspasóz qyzmetine silteme jasap.

Keshe saǵat 19:27 kezinde beınebaqylaý kamerasyna Ýsolka ózenine batyp bara jatqan er adam túsip qalǵan.

Qutqarýshylar dereý sol jerge baryp, bir mınýtta jumysqa kiristi.

Kýágerler qutqarýshylar kelgenge deıin sýǵa batyp bara jatqan adamdy ózderi qutqarýǵa tyrysqan, biraq qolynan kelmegen.

Ol saǵat 19:28-de sýdan shyǵaryldy, izdeýge nebári 20 sekýnd qajet boldy.

Qutqarýshylar birden reanımatsııaǵa kiristi. Er adamǵa alǵashqy kómek jasap, jedel járdem kóligine tapsyrdy.

Ony qutqarýǵa 5 qutqarýshy men bir qaıyq tartyldy.

Kýágerlerdiń aıtýynsha, er adam jaǵajaıda jalǵyz ózi ishimdik ishken.

TJ departamenti oblys turǵyndary men qonaqtaryn sýdaǵy qaýipsizdik erejelerin saqtaýǵa shaqyrady.