Pavlodarda ınternet arqyly tanysqan qyz er adamnyń telefonyn urlap, lombardqa ótkizip jibergen

<p>PAVLODAR. KAZINFORM - Ol uıaly telefondaǵy qosymsha arqyly 57 myń teńge qarajatty óz esepshotyna aýdaryp ta úlgergen. Qazirgi ýaqytta polıtsııa is qozǵap, sotqa baǵyttady.</p>

Pavlodar qalasynda turatyn er azamat ınternette tanysqan qyzdy úıine qonaqqa shaqyrǵan. Ekeýi ýaqytty kóńildi ótkizip, sońynan qyzdy shyǵaryp salǵan. Alaıda qonaǵy ketken soń jigit úıinde turǵan uıaly telefonyn tappaı qalǵan. Polıtsııa qyzdyń jeke basy men ornalasqan jerin anyqtap, qolǵa túsirdi.

«Qyz ýaqytyn tekke ótkizbegen. Ol ustalǵanǵa deıin telefondaǵy mobıldi qosymshaǵa kirip, ondaǵy 57 myń teńgeni ózine aýdaryp alǵan. Odan soń smartfondy lombardqa tapsyrǵan. Túsken aqshany óz qajettiligine jumsaǵan», dep habarlady Pavlodar oblysy polıtsııa departamentiniń baspasóz qyzmeti.

Qazirgi ýaqytta qylmystyq is sotqa jiberildi.