Pavlodarda HH ǵasyrdaǵy kóne eksponattar kórmesi ashyldy
Ýspen tarıhı-ólketaný mýzeıiniń dırektory Bolat Baızaqovtyń aıtýynsha, qala turǵyndary men qonaqtarynyń nazaryna 100-den astam eksponat usynylyp otyr. Kórme Ýspen aýdanynyń qalyptasý tarıhy, Keńes odaǵynyń batyrlary men ardagerleri, aýdan turǵyndarynyń mádenıeti men salt-dástúrlerin qamtıtyn úsh bólimnen turady. - Mundaǵy kóne jádigerlerdiń biri - HH ǵasyrdyń basynda nemis qonys aýdarýshylary ákelgen fısgarmonııa, - deıdi Bolat Baızaqov.
Qonys aýdarýshylardyń basym bóligi Stolypın reformalary kezinde kóship kelgeni belgili. Ýspen aýdanynyń aýmaǵyna buryn Belotserkovsk, Oktıabrsk jáne Voznensensk bolystary kirgen. Sol kezeńderden syr shertetin atqarý komıtetteriniń qujatty saqtalǵan.
Kelesi Ekinshi dúnıejúzilik soǵys ardagerlerine arnalǵan ekspozıtsııada áskerı jáne eńbek marapattary qoıylǵan. Maıdanda Otan qorǵaǵan Marııa ıArmenko eki ret jaraqat alyp, 17 ret úkimet nagradasymen marapattalǵan. Soǵystan keıin 1946 jyly aýylǵa kelip, 30 jyl feldsher bolyp jumys istegen. Batyrdyń qurmetine aýdandaǵy kóshelerdiń biriniń ataýy berilgen.
Sondaı-aq, Ýspen aýdanynda týǵan Negman Naýkenov maıdanǵa 1939 jyly shaqyrylǵan. Soǵystan keıin jaýapty oryndarda jumys istegen.
Kórmeden Sotsıalıstik Eńbek Erleri ıAkov Gerıng jáne Petr Mýzykaǵa qatysty aqparattarmen tanysyp, soǵys kezindegi Marııa ıArmenkonyń medıtsınalyq qyzmetker kıimi men 1941-1945 jyldary maıdannan Berlınge deıin jetken saptyaıaqty kórýge bolady. Budan basqa, aýdanda turatyn qazaq, orys, ýdmýrt, nemis, ýkraın ulttarynyń kostıýmderi men jergilikti sheberlerdiń zamanaýı qoldanbaly qolóner buıymdary, HІH ǵasyrdyń sońyndaǵy mýzykalyq aspaptar qoıylǵan.