Pavlodarda esepshi «Eńbek» baǵdarlamasyna bólingen qarajatty jymqyrǵan
Pavlodar oblysy boıynsha ekonomıkalyq tergep-tekserý departamenti Aqqýly aýdanynyń halyqty jumyspen qamtý ortalyǵynyń býhgalterine qatysty qylmystyq isti sotqa joldady.
Tergeý barysynda ortalyq býhgalteri qyzmetin paıdalanyp jáne adamdar tobymen aldyn ala sóz baılasyp, ortalyqtyń esep aıyrysý shotynan bıýdjet qarajatyn jymqyrǵany anyqtaldy.
Alaıaqtyq shema negizsiz tólem shottaryna elektrondyq kiltpen qol qoıý jáne jeke tulǵalardyń kart-shottaryna aqsha aýdarý arqyly júzege asty.
Qarajat Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary úshin úı jaldaýǵa jáne kommýnaldyq qyzmetterdi tóleýge arnalǵan edi.
Býhgalter materıaldyq jaýapkershilikke jáne býhgalterlik esepti júrgizýge baılanysty laýazymdardy atqarý quqyǵynan 5 jyl merzimge aıyra otyryp, 4,5 jylǵa bas bostandyǵyn shekteý jazasyna tartyldy.