Pavlodarda er adamnan 8,5 kılogramm esirtki tabyldy

<p>PAVLODAR. KAZINFORM -Qazir kúdiktige qatysty zańsyz daıyndaý, qaıta óńdeý, satyp alý, saqtaý faktisi boıynsha, sondaı-aq esirtki zattaryn tasymaldaý, ótkizý boıynsha sotqa deıingi tergeý bastaldy.</p>

Pavlodarlyq polıtseıler jedel-izdestirý is-sharalarynyń nátıjesinde kúdikti er adamdy ustady. Ol esirtki quraldarynyń iri partııasyn ótkizgen. Tekserý kezinde odan belgisiz zat oralǵan 13 baılam tárkilendi. Keıin onyń gashısh ekendigi anyqtaldy.

- Kúdiktiniń turǵylyqty jerinen qyzmettik ıtter ósimdik tektes zattar salynǵan 21 paket tapty. Sondaı-aq, qolma-qol aqsha, tarazy jáne tyıym salynǵan taýardy oraıtyn paketter tárkilendi. Tárkilengen kannabıstiń jalpy massasy 8,5 kılogramm tyıym salynǵan zattardy qurap otyr. Kúdikti qamaýǵa alynyp, oǵan qatysty esirktini zańsyz daıyndaý, qaıta óńdeý, satyp alý, saqtaý faktisi boıynsha, sondaı-aq tasymaldaý, ótkizý boıynsha sotqa deıingi tergeý bastaldy, - dep habarlady Pavlodar oblysy polıtsııa departamenti esirtki qylmysyna qarsy is-qımyl basqarmasynyń bastyǵy Tımýr Qarjaýbaev.

Eske sala keteıik, Pavlodarda psıhotroptyq jáne esirtki zattarynyń zańsyz aınalymynyń 18 faktisi anyqtaldy.