Pavlodarda er adam zaıybyn jol ústinde bosandyryp aldy

<p>PAVLODAR. KAZINFORM - Oǵan 103 operatorynyń dıspetcheri telefon arqyly aqyl-keńes berip turǵan. 35 jasar ana aman-esen bosanyp, keıin oblystyq perınataldy ortalyqqa jetkizildi.</p>

Bul týraly óńirlik jedel járdem stansasynyń baspasóz qyzmeti habarlady.

«21 sáýir kúni tańǵy saǵat 6-lar shamasynda 103 operatoryna er adam habarlasqan. Ol Beregovoe aýylynan kólikpen shyǵyp áıelin perzenthanaǵa apara jatqanyn, alaıda jolda jubaıynyń sýy ketip, tolǵaǵy bastalyp ketkenin jetkizgen. Dıchpetcher sol mezette oǵan jedel járdem brıgadasyn attandyryp, ózi er adamǵa qalaı bosandyrýdyń ádis-amalyn telefon arqyly túsindirgen. Jedel járdem qyzmeti sońǵy jyldary nátıjeli qoldanyp júrgen «qońyraýdy ustap turý» ádisiniń arqasynda kúıeýi áıelin jol ústinde aman-esen bosandyryp aldy. Salmaǵy 3,5 kılogramm, boıy 52 sm náreste dúnıege keldi» dep málimdedi baspasóz qyzmetinen.

Medıtsınalyq brıgada áıeldi oblystyq perınataldyq ortalyqqa jetkizdi. 

Óńirlik jedel járdem stansasy basshysynyń orynbasary Olga Verbovaıa jyl basynan beri jedel járdem operatorlarynyń kómegimen 8 ana úıde nemese jol ústinde bosanǵanyn habarlady.