Pavlodarda elik atqandar sottaldy
Pavlodarlyq qos ańshy Ertis ózeniniń jaıylmasynda, jabaıy ańdardy aýlaýǵa tyıym salynǵan jerde elikti jaıratyp tastaǵan. Etin alyp ketkeli turǵan jerden tártip saqshylary qolǵa túsirdi.
Pavlodar oblysy qylmystyq ister jónindegi mamandandyrylǵan aýdanaralyq soty Qylmystyq kodekstiń 337-baby 4-bóliginiń 1-tarmaǵy boıynsha «erekshe qorǵalatyn tabıǵı aýmaqta aldyn ala sóz baılasý arqyly bir top adamdar atys qarýyn qoldana otyryp, zańsyz ańshylyq jasady» dep aıyptalǵan eki azamatqa qatysty qylmystyq isti qarady.
Belgili bolǵandaı, 2024 jyldyń aqpan aıynda K. jáne S. aldyn ala kelisip, jabaıy janýarlardy zańsyz aýlaýǵa shyqqan. Olar Aqtoǵaı óńirindegi Ertis ózeniniń jaıylmasyn, ıaǵnı jabaıy ańdardy aýlaýǵa tyıym salynǵan erekshe qorǵalatyn tabıǵı aýmaqty tańdaǵan.
«Ekeýi ózderimen birge tirkelmegen tegis uńǵyly ańshy qarýyn alyp shyqqan. Sottalýshylardyń biri elikterdi serigi turǵan aýmaqqa qaraı úrkitken. Al myltyq ustaǵan ekinshi azamat eki ret atyp, janýardy óltirgen. 3 jasar eliktiń etin alyp ketken sátte polıtsııa qyzmetkerleri olardy ustaǵan. Osylaısha sottalýshylar qylmystyq áreketteri arqyly memleketke 2,7 mıllıon teńgeden astam zalal keltirgen», - dep habarlady óńirlik sottyń baspasóz qyzmetinen.
Aıyptalýshylar óz kinálaryn tolyq moıyndady. K. buryn abaqtyda otyryp shyqqanyn eskergen sot ony 4 jyl merzimge, al S.-ny 3 jylǵa bas bostandyǵynan aıyrdy. Buǵan qosa ekeýi 7 jylǵa ań aýlaý quqyǵynan aıyryldy.
Úkim zańdy kúshine engen joq.
Eske sala keteıik, Pavlodarda brakonerler 12 elikti zańsyz atqan.