Pavlodarda elektr jelilerindegi apattyq óshirýdi 40%-ǵa azaıtý kózdelip otyr

<p>PAVLODAR. KAZINFORM - Pavlodar oblysynda elektrmen jabdyqtaý jelilerin qaıta jańartý jáne jańǵyrtý boıynsha 2025-2026 jyldarǵa arnalǵan Jol kartasy ázirlenip jatyr. Jol kartasyn iske asyrý 80 eldi mekenge nemese 98 myń tutynýshyǵa áser etetin bolady</p>

Jelilerdiń tozýyn azaıtý maqsatynda jyl saıyn oblystyń energııa berýshi kásiporyndary elektr jelilerin qaıta jańartý, jańǵyrtý, kúrdeli jáne aǵymdaǵy jóndeý jumystaryn atqaryp keledi. Qosalqy stantsııalardyń elektr jabdyqtary boıynsha ınvestıtsııalyq is-sharalar da jyl saıyn júrgiziledi.

Alaıda, bul jetkiliksiz. Josparly jóndeý sharalary tozý kórsetkishin qýyp jete almaı otyr.

Óńirlik energetıka jáne turǵyn úı-kommýnaldyq sharýashylyq basqarmasynan habarlaǵandaı, Pavlodar oblysynyń elektrmen jabdyqtaý jelilerin qaıta jańartý jáne jańǵyrtý boıynsha 2025-2026 jyldarǵa arnalǵan Jol kartasy ázirlenip jatyr.

«Jol kartasyn iske asyrý 80 eldi mekenge nemese 98 myń tutynýshyǵa áser etetin bolady. Onyń nátıjesinde apattyq óshirýler sany 1042 jaǵdaıǵa nemese 40% - ǵa azaıady», dep málimdedi basqarmadan.

Eske sala keteıik, elimizdegi 3 óńirdiń sý energetıkalyq áleýeti zertteledi.