Pavlodarda eki saǵatqa sý berýdi toqtatty

PAVLODAR. QazAqparat - Pavlodardaǵy sý basqan barlyq úılerdiń turǵyndaryna sý aıdaý kómegi kórsetilýde, dep habarlady «QazAqparat» HAA tilshisi.

Aýlalardy qalpyna keltirý jumystary júrýde, dep málim etti Pavlodar ákimdiginiń baspasóz qyzmetinde. Kómir, otyn ákelinetin bolady. Apatty joıý jumystary aıaqtaldy.

12 aqpanda Lomov kóshesinde sý qubyry kamerasynda apat boldy. «Pavlodar-sý arnasy» JShS derekterine sáıkes, Abaı kóshesindegi dıametri 800 mm ysyrma qatyp qalǵan.

Apat ornynda táýlik boıy brıgada jumys isteýde. Kameradan sý aıdaldy, eki kóshede 562 abonentke sý berý toqtatyldy. Pavlodardyń qalǵan shaǵyn aýdandaryna sý berý qysymy tómendetildi.

13 aqpanda tańǵy saǵat beste Pavlodarda eki saǵatqa barlyq jerde (barlyq kóp qabatty 1343  úıde) sý berý tolyqtaı toqtatylǵan bolatyn.