Pavlodarda eki stýdent qyz tórtinshi qabattan qulap ketken

<p>PAVLODAR. KAZINFORM — Zardap shekkender jergilikti kolledjderdiń birinde oqıdy. Qazir olar aýrýhanaǵa jatqyzylyp, em qabyldap jatyr.</p>

Pavlodardaǵy kolledjderdiń birinde oqıtyn eki stýdent qyz tún ortasynda tórtinshi qabattyń terezesinen tósek jaımasymen syrǵyp túspek bolyp, abaısyzda jerge qulaǵan.

«Ekeýi túngi saǵat 01:15–te tórtinshi qabatta ornalasqan bólmelerinen tereze arqyly dalaǵa shyqpaqshy bolǵan. Sóıtip tósek jaımasyn arqan retinde paıdalanyp túse bastaǵanda jerge qulaǵan. Qulaǵan sátte ekeýi de zardap shekken. Olar túrli jaraqatpen aýrýhanaǵa jatqyzyldy. Qyzdar kámelet jasyna tolmaǵan», — dep habarlady Pavlodar oblysy polıtsııa departamentiniń baspasóz qyzmetinen.

Óńirlik densaýlyq saqtaý basqarmasy zardap shekkenderdi dárigerler qarap shyqqanyn jetkizdi.

«17 jasar qyzǵa bas súıeginiń jabyq jaraqaty, mıynyń shaıqalýy, bel omyrtqasynyń sozylýy, oń jaq tize býynynyń jaraqaty dıagnozdary qoıyldy. Al 16 jasar qyzda keýde omyrtqalarynyń synýy anyqtaldy. Olardyń jaǵdaıy ortasha dep baǵalanýda», — dep málimdedi basqarmanyń baspasóz qyzmetinen.

Buǵan uqsas jaǵdaı ótken demalys kúnderi Ekibastuz qalasynda da bolǵan. Іshimdikke toıyp alǵan er adam páterine balkon arqyly kirmekshi bolǵanda jerge qulap, jambasy men qos qolynyń bilegin syndyryp alǵan.

Eske sala keteıik, buǵan deıin Pavlodarda kolledj stýdenti oqytýshyǵa pyshaq jaraqatyn saldy.