Pavlodarda eki birdeı sábı anasynyń abaısyzdyǵynan tunshyǵyp kóz jumdy

<p>PAVLODAR. KAZINFORM - Pavlodarda bir aptanyń ishinde eki birdeı sábı shetinep ketti. Eki jaǵdaıda da olar anasynyń omyraýyna tunshyǵyp ólgen.</p>

Bul týraly Pavlodar oblystyq balalar aýrýhanasynan habarlady. 

«20 tamyz kúni týǵanyna nebári 28 kún tolǵan sábı qaıtys boldy. Anasy túnde emizip bolǵan soń uıyqtap ketken, al sábıi omyraýyna tunshyǵyp qalǵan. Ekinshi jazataıym oqıǵa odan alty kún buryn bolǵan. Ol sábıge 2 aı 7 kún tolǵany anyqtaldy. Anasy emizip jatyp, uıyqtap qalǵan. Túngi úshter shamasynda oıanǵanda balasynyń tunshyǵyp ólgenin kórgen», deıdi oblystyq aýrýhana dárigeri Juldyz Shahıtdınova.

Ótken jyly Pavlodar oblysynda 13 sábı aýa jetpeı, tunshyǵyp qaıtys bolǵan. Al bıyl jyl basynan 4 jaǵdaı tirkelgen.

Eske sala keteıik, Pavlodarda 12 jastaǵy oqýshy qyz dúnıege sábı ákeldi.