Pavlodarda demalys kúni mas kúıinde qyzmet kóligimen júrgen aýyl ákimi ustaldy

PAVLODAR. QazAqparat – Maı aýdany Aqjar aýylynyń ákimi 15 táýlik merzimge qamaýǵa alynǵan, dep habarlaıdy QazAqparat memlekettik qyzmet isteri agenttiginiń Pavlodar oblysy boıynsha departamentine silteme jasap.

Onynshy qazan, ıaǵnı senbi kúni demalysta 19 saǵat 45 mınýtta ShQO Kýrchatov qalasynyń Abaı-Kýrchatov kósheleriniń qıylysynda polıtsııa bóliminiń jol-patrýl polıtsııa qyzmetkerleri Maı aýdany Aqjar aýyly ákiminiń apparatyna tıesili Serik Qusaıynov tizgindegen 21214 MTNB S 176 DM nómirli «Lada» avtokóligin toqtatqan. Anyqtalǵandaı, ákim ortasha dárejede mas bolǵan.

Sonymen qatar sheneýnikte kólikti basqarý quqyǵyn beretin qujattar bolmaǵan.

«Sol kúni polıtsııa Maı aýdany Aqjar aýylynyń ákimi Serik Qusaıynovqa qatysty Ákimshilik quqyq buzý kodeksiniń 608-babynyń birinshi bóligi boıynsha ákimshilik hattama toltyrdy» dep habarlady departament.

Aqjar aýyly ákiminiń tártiptik jaýapkershiligi etıka jónindegi keńestiń kezekti otyrysynda qaralady.