Pavlodarda demalys kúnderi saýnalar, basseınder, saýda úıleri jumys istemeıdi

PAVLODAR. QazAqparat - Pavlodar oblysy bas memlekettik dárigeriniń 4 shildedegi №15 qaýlysy shyqty, dep habarlaıdy QazAqparat.

COVID-19 koronavırýstyq ınfektsııasymen syrqattaný jaǵdaılarynyń jalǵasýyna jáne eldegi epıdemıologııalyq ahýaldyń nasharlaýyna baılanysty vedomstvoaralyq komıssııanyń otyrysynda shekteý sharalaryn qatańdatý týraly sheshim qabyldandy.

Qaýlyǵa sáıkes kelesizdeı ózgerister engizildi:

- oblysaralyq, oblysishilik, qalaaralyq, aýdanaralyq avtobýs, shaǵyn avtobýs jolaýshylar tasymaldaryna (Pavlodar-Aqsý, Pavlodar-Kemeńger, Pavlodar-Zańǵar baǵyttaryn qospaǵanda);
- mádenıet obektileriniń (daıyndyqtar), teatrlardyń, kınoteatrlardyń, kontsert zaldarynyń qyzmetine, sporttyq is-sharalar ótkizýge;
- eske alý ótkizýge, banket zaldarynyń qyzmetine;
- kúndizgi rejımde keńester (otyrystar) ótkizýge;
- demalys kúni azyq-túlik jármeńkeleriniń jumysyn uıymdastyrýǵa;
- bılıard, kompıýterlik klýbtardyń, boýlıngterdiń, balalardyń oıyn-saýyq ortalyqtarynyń jumysyna tyıym salynady.
Jumys tártibi jáne toltyrylýy boıynsha shekteýler:

- mektepke deıingi balalar mekemeleriniń kezekshi toptarynyń qyzmetine toptardyń tolymdylyǵy 25-ten aspaǵan jaǵdaıda ruqsat etiledi;
- dinı obektiler jumysyn jalǵastyra beredi, alaıda jabyq úı-jaılarda ujymdyq is-sharalar ótkizbeıdi;
- qyzmetkerlerdiń 80% qashyqtyqtan jumys isteý rejımi;
- qoǵamdyq tamaqtaný obektileriniń jumys ýaqytyn saǵat 9.00-den 20.00-ge deıin, tolymdylyǵy 50%-ǵa deıin, adam sany 30-dan aspaýy tıis, ashana tıpi boıynsha obektiler – saǵat 24.00-ge deıin; týrızm obektileriniń, halyqtyń turǵylyqty jeri boıynsha qyzmet kórsetý salasyndaǵy uıymdardyń qyzmeti 80%-dan artyq bolmaýy tıis;
- balalar túzetý kabınetteri, balalar jáne eresekterge arnalǵan bilim berý ortalyqtarynda adam sany 15-ten aspaýy tıis.
Senbi jáne jeksenbi kúnderi jumysty toqtata turý:
- saýnalar, SPA-ortalyqtar, basseınder, sport nysandary, jabyq bazarlar, SOO, saýda úıleri, saýda jelileri (azyq-túlik taýarlaryn satatyn obektilerdi, dárihanalardy, sulýlyq salondaryn, sabyn-jýý taýarlaryn, gıgıena quraldaryn, zootovarlardy, bilim berý úıirmelerin, vaktsınatsııa pýnktterin, sondaı-aq «Ashyq» jobasyna qatysatyn obektilerdi qospaǵanda).

Eske salsaq, 4 shildedegi jaǵdaı boıynsha Pavlodar oblysy «qyzyl» aımaqqa kirdi.