Pavlodarda daryndy balalarǵa 100 myń teńgeden berildi

<p>PAVLODAR. KAZINFORM &mdash; Bıylǵy oqý jylynda óńir oqýshylary túrli bilim dodalarynan 211 medal jeńip aldy. Onyń ishinde 35-i halyqaralyq jáne 171-i respýblıkalyq deńgeıde. Nátıjesinde Pavlodar oblysynyń quramasy elimizdegi &laquo;Úzdik olımpıadalyq qurama &mdash; 2024&raquo; ataǵyna ıe boldy.</p>

Aımaq basshysy Asaıyn Baıhanov daryndy balalarmen, halyqaralyq jáne respýblıkalyq olımpıadalardyń jeńimpazdary men júldegerlerimen kezdesip, olardy jetistikterimen quttyqtady.

— Sizderdiń halyqaralyq jáne respýblıkalyq deńgeıdegi zııatkerlik olımpıadalarda jetken jetistikterińizdiń nátıjesinde oblysymyzdyń bilim berý júıesi joǵary baǵalanady. Keremet daıyndyq deńgeıin kórsettińizder. Biz sizderdi Ertistiń Pavlodar óńiriniń patrıottary retinde kórgimiz keledi, — dedi óńir basshysy.

Olımpıada jeńimpazdary men júldegerlerine Alǵys hattar men 100 myń teńgelik sertıfıkattar tabys etildi. Sondaı-aq, mektep ustazdaryna oqýshylardy daıyndaǵandary, ata-analarǵa qoldaý men tárbıe bergenderi úshin alǵys aıtyldy.

Foto: Valerıı Býgaev

Budan bólek, respýblıkalyq jáne halyqaralyq olımpıadalardyń jeńimpazdaryn daıyndaǵan ustazdarǵa aqshalaı syılyqtar taǵaıyndaldy. Bıyl 45 ustaz atalǵan syılyqtyń ıegeri atandy. Olardyń ishinde daryndy balalarǵa arnalǵan № 8 mektep-lıtseıiniń fızıka muǵalimi Anatolıı Bılıda men matematıka muǵalimi Lılııa Stadnıkova, daryndy balalarǵa arnalǵan № 3 gımnazııanyń frantsýz tili muǵalimi Qymbat Bataeva bar.