Pavlodarda Bógenbaı batyr týraly roman tanystyryldy

ASTANA. QazAqparat - S.Toraıǵyrov atyndaǵy oblystyq kitaphanada PMÝ qazaq tili jáne jýrnalıstıka kafedrasynyń professory Serik Elikbaıdyń «Qanjyǵaly Bógenbaı» tarıhı romanynyń tusaýkeseri ótti, dep habarlaıdy pavlodarnews.kz.

Serik Elikbaevtyń aıtýynsha, atalmysh týyndy - Ertis óńirindegi tarıhı taqyrypqa arnalǵan romandardyń biri.

«Bul qazaq batyry, qolbasshy Qanjyǵaly Bógenbaıdyń ómiri men erligine arnalǵan. Batyrdyń basqa keıipkerden ereksheligi sol, Bógenbaı batyr «aq súıekterdiń» ókili emes, halyqtan shyqqan qarapaıym azamat», - deıdi roman avtory.

Professor kitapty jazý barysynda túrli tarıhı derekkózderge júgingen. Qundy derekter Sankt-Peterbýrgtegi tanymal kýnstkamera, ýkraınalyq jáne qytaılyq muraǵattardan tabylǵan.

Kitap 1000 danamen basylyp shyqty.

Serik Elikbaev aldaǵy ýaqytta taǵy úsh roman jazyp, qalyń buqara úshin basyp shyǵarmaq.