Pavlodarda bir apta buryn iz-túzsiz ketken jigittiń denesi kóligimen birge sý astynan tabyldy

PAVLODAR. QazAqparat - Bir aptadan astam ýaqyt buryn túsiniksiz jaǵdaıda joǵalyp ketken Rýslan Leontevtiń denesi tabyldy, dep habarlaıdy QazAqparat.

Pavlodar oblysy TJD málimetinshe, keshe, 25 maýsymda Ertis ózenindegi izdeý jumystary kezinde 4 qutqarýshy eholottyń kómegimen shamamen 5 metr tereńdikten jáne jaǵadan 10-15 metr qashyqtyqtan kólikti tapqan.

Súńgýir sýǵa kirip, kóliktiń sý astynda jatqanyn rastady.

Arnaıy tehnıkanyń kómegimen mashına jaǵaǵa kóterilip, 102 qyzmetine berildi.

Salonnyń ishinen Rýslan Leontevtiń máıiti tabyldy.

Ol 16 maýsymda joǵalyp ketken. Sol kúni «Mazda» kóligimen Zańǵar aýylynan Semeı tasjolyna qaraı shyǵyp ketken.

Rýslandy izdeýmen «Vıta» eriktileri, polıtsııa qyzmetkerleri, er adamnyń týystary men dostary aınalysty.

Keıinirek volonterler Rýslannyń joǵalǵanǵa deıingi sońǵy saǵattaryn ótkizgen jerdi belgiledi. Ony izdeýge eholot, sarbazdar men ıisshil ıtter jumyldyryldy.