Pavlodarda bıyl jańadan 30 tramvaı satyp alynady

<p>Pavlodar qalasyndaǵy tramvaı parkinde búginde 80-nen astam tramvaı kúndelikti jolǵa shyǵady. Olar byltyr 17 mln-nan astam jolaýshyny tasymaldaǵan, dep habarlaıdy <a href="Kazinform." target="_blank" rel="noopener">Kazinform.</a></p>

Shahardaǵy relsti kólik joldarynyń jalpy uzyndyǵy búginde 90 shaqyrymdy quraıdy. Kólik kásipornynyń ıeligindegi vagondardyń jalpy sany 100-den asady.

«Qysqy ýaqytta qala turǵyndaryna kún saıyn 80-nen astam tramvaı qyzmet kórsetedi. Byltyr bizdiń vagondarymyz shamamen 17 mln jolaýshyny tasymaldaǵan. 1 qańtardan bastap qoǵamdyq kólikte jol júrý aqysy ózgergeni málim. Banktik aýdarymmen tóleý kezinde jol júrý aqysy 100 teńgeni, qolma-qol tóleý kezinde 200 teńgeni quraıdy. Bul is-sharalar relsti kólikti damytýǵa, jolaýshylar tasymaly qyzmetin jaqsartýǵa jáne jyljymaly quramdy jańartýǵa qarajat bólýge múmkindik beredi», - dep habarlady tramvaı basqarmasy.

Tramvaı parki aldaǵy eki jylda jańadan 70 tramvaı satyp alýdy josparlap otyr. Onyń alǵashqy 30-y bıyl jetkiziledi. Kásiporyn sondaı-aq bıyl Dostyq yqsham aýdanyna jańa tramvaı tarmaǵyn tartady. Aýmaqqa avtonomdy vagondar júredi dep kútilýde. ıAǵnı, qýattalǵan akkýmýlıatordyń kómegimen jyljıtyn bolady. Elektr baǵandary men symdardyń qajeti joq.