Pavlodarda bank bólimshesiniń qabyrǵasy lommen buzylǵan
Polıtsııaǵa habar búgin saǵat 9:30-da túsken. Qyzmetkerler bes qabatty turǵyn úıdiń túbinde ornalasqan bank bólimsheni qorshaýǵa aldy.
Jergilikti turǵyndar bolǵan oqıǵa týraly estimegen.
«Polıtsııaǵa bankterdiń biriniń bólimshesiniń qabyrǵasy buzyldy degen qońyraý tústi. Oqıǵanyń mán-jaıy men sebepteri anyqtalyp jatyr», -dep habarlady Pavlodar oblysynyń polıtsııa departamenti.
Urlyq faktisi boıynsha tergeý bastalyp, kúdiktiler izdestirilýde.
Esterińizge sala keteıik, 2023 jyldyń 18 maýsymynda Astanada qarýly adam mekemege kelýshilermen birge Dostyq kóshesindegi Kaspi bankiniń ǵımaratyna kirip, esikti ishten jaýyp alǵan. Onyń denesi men qolyna jarylǵysh qurylǵy bekitilgeni habarlandy. Keıinirek Mýradov esimdi azamattyń dári-dármekti qoldaný arqyly ózin-ózi óltirýge sheshim qabyldaǵany belgili boldy. Álıhan Mýradov elordalyq Kaspi Bank bólimshesinde adamdardy kepilge alǵany úshin 7 jyl 6 aıǵa bas bostandyǵynan aıyryldy.