Pavlodarda kartop, pııaz, sábiz, qyryqqabat baǵasy arzandady

<p>ASTANA. KAZINFORM &mdash; Alaıda, jergilikti dúkenderde banannyń kılogramy 1600 teńgeden satylyp jatyr. Buǵan qosa alma, qyzanaq, qııar baǵasy da qymbattaǵan.</p>

Tutynýshylar ekzotıkalyq jemistiń tym qymbattap ketkenin túsine almaı otyr. Ótken aptada ǵana kılogramy 800 teńge turatyn banan qazir dúkenderde 1600 teńgeden saýdalannýda.

Statıstıka organdarynyń málimetine súıensek, ótken jeltoqsan aıynda Pavlodar oblysynda banan baǵasy shamamen 4,8%, alma 5,8%, qııar 19,9%, qyzanaq 17,4%-ǵa ósken.

Al kerisinshe kartoptyń baǵasy 5,1%, pııaz 2,8%, qyryqqabat 0,8%, sábiz 0,3%-ǵa arzandapty.

«Bizdiń vedomstvo azamattardyń shaǵymy boıynsha saýda núktelerine jospardan tys 63 tekserý júrgizdi. 44 kásipkerlik sýbektisi ákimshilik jaýapkershilikke tartyldy. Keıbir kásipkerlerdi memlekettik kirister departamentine tapsyrdyq. Olar taýar baǵasyna qosylatyn ústemeaqyny 20-30 paıyzǵa deıin arttyrǵan», - dep habarlady Pavlodar oblysy boıynsha saýda jáne tutynýshylardyń quqyqtaryn qorǵaý departamentiniń basshysy Dáýlen Qabdyshev.