Pavlodarda balyq aýlaýǵa shyǵyp, boranda qalǵan jolaýshylar qutqaryldy

<p>PAVLODAR. KAZINFORM - Jeńil kólikte eki azamat bolǵan. Qutqarylǵandar jaqyn aýyldaǵy jylytý pýnktine aman-esen jetkizildi.</p>

8 aqpan kúni saǵat 16.07-de Pavlodar oblysy Aqtoǵaı aýdanynyń № 15 Órt sóndirý bólimine «Mıtsýbısı» markaly jeńil kóligi Ertis ózeni mańynda batyp qalǵany týraly habarlama túsken.

«Jolaýshylar Jańabet aýylynan 7 km qashyqtyqta turyp qalǵan. Órt sóndirý bóliminiń qyzmetkerleri men Mútkenov aýyldyq okrýginiń ormanshysy jolaýshylarǵa jedel jetip, olardy evakýatsııalady», - dep habarlady óńirlik tótenshe jaǵdaılar departamentinen.

Qos azamat Ertis ózeniniń saǵasyna balyq aýlaýǵa shyqqan. Jolda alaı-túleı boran soǵyp, kólik omby qarda turyp qalǵan. Balyqshylar Jańabet aýylynyń jylytý pýnktine kóligimen birge jetkizildi. Olarǵa medıtsınalyq kómek qajet bolmady.