Pavlodarda balasyna alıment tólemeı kelgen áıel bas bostandyǵynan aırylýy múmkin

<p>PAVLODAR. KAZINFORM - Óńirlik polıtsııa departamenti jyl basynan beri kámeletke tolmaǵan balasyn asyraýǵa qarajat tóleý jónindegi mindetterdi oryndamaǵany úshin 31 adamǵa qatysty qylmystyq is júrgizilip jatqanyn habarlady.&nbsp;</p>

17 is sheshim qabyldaý úshin sotqa jiberildi. Olardyń qatarynda erler de, áıelder de bar.

«Mysaly jeke sot oryndaýshysy áıeldiń ulyna qatysty alıment qaryzyn tólemeý faktisi boıynsha polıtsııaǵa júgindi. Ol 2009 jyly týǵan kámeletke tolmaǵan balasyn asyraýǵa sońǵy 7 jylda alıment tólemegen. 2017 jyly ata-ana quqyǵynan aırylyp, al jasóspirim erekshe bilim berý qajettilikteri bar balalarǵa arnalǵan memlekettik ortalyqta bolǵan. Osy kezeńdegi qaryz somasy 5 mıllıon 700 myń teńgeden asty», dep habarlady polıtsııadan.

Qazir bul isti sot qarastyryp jatyr. Zańnamaǵa sáıkes, áıel adam qoǵamdyq jumysqa tartylýy nemese eki jylǵa deıin bas bostandyǵynan aıyrylýy múmkin.

Eske sala keteıik, Pavlodarda alıment tóleýden jaltarǵan 100-ge jýyq adam izdeýde júr.

Al elimizge tanymal bloger alımentke nebári 20 myń teńge tólegen.