Pavlodarda balabaqsha dırektory men býhgalteri qazynadan 62 mln teńge jymqyrǵan

<p>Pavlodar oblysy Aqqýly aýdanyndaǵy &laquo;Qyzǵaldaq&raquo; balabaqshasynyń dırektory men býhgalteri mekemedegi jalaqy men ústemeaqylardy zańsyz esepteý jolymen 62 mln teńgeden astam bıýdjet qarajatyn qoldy qylǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

2016-2023 jyldar kezeńinde balabaqsha dırektory Q.Q. men býhgalter K. G. qyzmetkerlerdiń eńbekaqysyna qosymsha jalaqy men ústemaqyny zańsyz belgilep, aı saıyn ol qarajatty ózderi ıemdenip otyrǵan. Sot otyrysynda aıyptalýshylardyń qylmysy kýágerlerdiń aıǵaqtarymen, sot saraptamalarynyń qorytyndylarymen jáne basqa da dáleldemelermen dáleldendi. Osylaısha ekeýi memleket qazynasynan 62 mln teńgeden astam qarajatty urlaǵan.

Bul zańsyz áreket aýyr sybaılas jemqorlyq qylmystarǵa jatady, ol úshin qylmystyq zańda 7 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen.

Aýdandyq sottyń baspasóz qyzmetinen habarlanǵandaı, sot Q.Q.-nyń zeınetkerlik jasyn eskere otyryp 7 jylǵa bas bostandyǵynan aıyrý jazasyn taǵaıyndady. Buǵan qosa memlekettik qyzmette laýazymdardy atqarý quqyǵynan aıryldy. Al sot býhgalterdi 8 jylǵa kesti. Deıturǵanmen onyń sottaǵy shyn nıetpen ókinýin, múliktik zalaldyń erikti túrde ishinara ótegenin, asyraýynda kámeletke tolmaǵan tórt balanyń, onyń ekeýi jas bala ekenin eskere otyryp, Qylmystyq kodekstiń 74-babynyń 1-bóligi negizinde jazasyn óteýdi keıinge qaldyrdy. Býhgalterlik qyzmetpen aldaǵy 10 jyl ishinde aınalysa almaıdy.

Úkim zańdy kúshine engen joq.