Pavlodarda baǵýsyz júrgen 5 myńǵa jýyq mal aıypturaqqa qamaldy

<p>PAVLODAR. KAZINFORM &mdash; Polıtseıler avtojolǵa shyǵyp ketetin tórt túlikti izdep taýyp, aıypturaqqa qamap jatyr. Jyl basynan baǵýsyz júrgen 4805 mal anyqtalyp, 702 mal ıesi ákimshilik jaýapkershilikke tartylǵan.</p>

Jýyqta Pavlodar qalasyna jaqyn jerdegi Moıyldy aýyly mańynda jylqy tabyny ıesiz jaıylyp júrgeni aqparat túsken. Tártip saqshylary jylqylardy aıypturaqqa aıdap aparyp, ıesin anyqtady. Mal ıesi qomaqty aıyppul tóleıtin bolady.

Polıtseılerdiń aıtýynsha, avtojolǵa shyǵyp ketetin mal máselesi áli de ózekti. Olar jol-kólik apattaryna sebepshi bolady, adamdar zardap shegedi, keıbir jaǵdaıda ol tipti ólimge alyp aparyp soqtyrady. Polıtseıler ıesiz maldy anyqtaý boıynsha turaqty negizde reıdter júrgizip keledi.

— Jyl basynan beri Pavlodar oblysynda 4805 bas ıesiz jaıylyp júrgen maldy polıtseıler aıypturaqtarǵa qamap, 702 mal ıesi ákimshilik jaýapkershilikke tartyldy. Kóp jaǵdaıda ıesiz júrgen jylqylar jıi anyqtalady, -dep habarlady Pavlodar oblysy polıtsııa departamentiniń baspasóz qyzmetinen.

Eske sala keteıik, Pavlodar oblysynda 1 mln tonnadan astam mal azyǵy daıyndaldy.