Pavlodarda avtoparkterdiń laýazymdy tulǵalary jaýapkershilikke tartyldy
Pavlodar oblysy polıtsııa departamentiniń baspasóz qyzmetiniń málimdeýinshe, is-shara jol-kólik oqıǵalarynyń aldyn alý, jolaýshylardy tasymaldaýdy júzege asyratyn júrgizýshiler arasynda kólik tártibin arttyrý maqsatynda ótkiziledi.
«Mysaly, 20 júrgizýshi kólikti basqarý kezinde uıaly telefondy paıdalandy.b19 qoǵamdyq kólik júrgizýshisi manevr jasaý erejelerin buzdy. Salonda jolaýshylary bar taǵy 10 júrgizýshi kólik quralyn zańsyz jabdyqtaǵan, 9 júrgizýshi tehnıkalyq tekserýden ótpegen. Túrli quqyq buzýshylyqtar úshin mamandandyrylǵan aıyp turaǵyna 3 avtobýs qoıyldy», - dedi Pavlodar oblysy PD jergilikti polıtsııa qyzmetiniń bastyǵy Qýanysh Mustafınov.
Tehnıkalyq aqaýlary bar kólik quraldaryn paıdalanýǵa shyǵarǵan jáne ózge de paıdalaný erejelerin buzǵany úshin avtoparkterdiń úsh laýazymdy adamyna qatysty QR ÁQBtK 617-baby boıynsha ákimshilik materıaldar jasaldy.
Sonymen qatar, polıtsııa qyzmetkerleri 22 avtobýstyń tehnıkalyq sáıkestigin tekserdi.
Máselen, Ekibastuzda PAZ markaly avtobýs júrgizýshisiniń zańsyz qaıta jabdyqtaý faktisi anyqtaldy. Kásipker júrgizýshi qosymsha oryndyq ornatqan. Ol úshin QR ÁQBtK 7-bóliginiń 590-baby boıynsha 15 AEK mólsherinde aıyppul salýmen jaýapqa tartyldy.
«Jol júrý erejelerin buzǵany úshin jazalaý sharalary jyl saıyn kúsheıip keledi. Alaıda joldarda áli de nemquraılylyq tanytatyn jáne jol qozǵalysynyń basqa qatysýshylary úshin jaýapkershilikti sezinbeıtin azamattar sanaty azaımaı tur. Bul abaısyzdyq keıde qaıǵyly oqıǵamen aıaqtalady», - dep atap ótti polıtsııa.
Pavlodar oblysynyń polıtsııa departamenti taǵy da bizdiń óńirdiń júrgizýshi quramyn, sondaı-aq jaıaý júrginshilerdi joldardaǵy eń az quqyq buzýshylyqtarǵa barmaýǵa jáne olarǵa jol bermeýge shaqyrady.