Pavlodarda aýyl turǵyndaryna jylyna 2,5 paıyzben nesıe berile bastaıdy

PAVLODAR. QazAqparat - Pavlodar oblysynda «Aýyl amanaty» jobasy tabysty iske asyp jatyr, dep habarlaıdy QazAqparat.

Oblys ákimi aýyl sharýashylyǵy, jumyspen qamtýdy úılestirý jáne áleýmettik baǵdarlamalar, kásipkerlik jáne ındýstrııalyq-ınnovatsııalyq damý basqarmalarynyń, sondaı-aq, «Pavlodar» áleýmettik-kásipkerlik korporatsııasy» AQ ókilderimen «Aýyl amanaty» jobasyn talqylady.

Jobanyń negizgi maqsaty — halyqtyń tabysyn arttyrý, aýyl sharýashylyǵy taýaryn óndirýshilerdi jan-jaqty qoldaý, aýyl turǵyndaryn agrarlyq bızneske barynsha tartý, azyq-túlik qaýipsizdigine jáne azamattardyń ómir súrý sapasyn jaqsartýǵa baılanysty máselelerdi sheshý.

«Aýyl amanaty» jobasy qatysýshylarǵa 2,5% ǵana quraıtyn tómendetilgen syıaqy stavkasy boıynsha shaǵyn nesıe berýdi kózdeıdi.

Shaǵyn nesıe kólemi - 8,6 mln teńgege deıin.

Pavlodar oblysynda joba sheńberinde 300 keısti jobany júzege asyrýǵa 1,5 mlrd teńge bólindi.

Asaıyn Baıhanov ózekti bıznes-jobalardyń tizbesin jáne jeńildikti kredıtter alý tetikterin pysyqtaýdy, sondaı-aq, oblys aýdandarynyń turǵyndarymen qajetti túsindirý jumystaryn júrgizýdi tapsyrdy.