Pavlodarda aýyl turǵyny jolda bosanyp qaldy

<p>PAVLODAR. KAZINFORM &mdash; Anasy men jańa týǵan qyz balanyń jaǵdaıy turaqty. Olar oblys ortalyǵyndaǵy perzenthanaǵa tapsyryldy.</p>

Pavlodarlyq 103 brıgadasy reanımobılde júkti áıeldi bosandyryp aldy.

— 103 pýltine shaqyrý Aqqýly aýdany ıAmyshev aýylynan kelip tústi. 31 jastaǵy júkti áıeldiń bosanýǵa jaqyn ekendigi týraly habarlandy. Jedel járdem arada 10 mınýt ótkende mekenjaıǵa baryp, áıeldi reanımobılmen oblys ortalyǵyna áketti. Alaıda jolda kele jatqanda medıtsına qyzmetkerleri júkti áıeldi bosandyryp alýǵa májbúr boldy. Salmaǵy 3 kılogramnan asatyn jáne boıy 53 santımetr bolatyn qyz bala dúnıege keldi. Balany orap, jylytyp, jylý tizbegin saqtap qaldy. Anasy men jańa týǵan náreste perzenthana mamandaryna berildi, - dep habarlady óńirlik jedel járdem stansasynan.

Jyl basynan beri Pavlodar oblysynyń aýmaǵynda medıtsınalyq mekemeden tys jerde 25 áıel bosanǵan. Ótken jyldyń alǵashqy 10 aıynda mundaı jaǵdaı tirkelgen. Aaımyqtyq jedel járdem stansasynda medıtsınalyq qyzmetkerlerdi neonatologııanyń erekshelikterine úıretýge kóp kóńil bólinedi. Sońǵy jyldary neonatologııalyq kómek kórsetý boıynsha biliktilikti arttyrý kýrstarynan 103 qyzmetiniń barlyq feldsherleri men dárigerleri ótken.

Eske sala keteıik, Pavlodarda analardyń úı jaǵdaıynda bosanýy beleń alyp barady.