Pavlodarda aýyl turǵyndary paıdalanyp otyrǵan pontondy kópir ózenge batyp ketti

<p>PAVLODAR. KAZINFORM - Aqsý qalasynyń Kóktas aýyly mańynda Belaıa ózeni arqyly ótetin pontondy kópir sýǵa batyp ketti. Jergilikti bılik ózennen adamdar men tehnıkalardyń ótýi úshin ýaqytsha parom qatynasyn uıymdastyrady.</p>

Bul týraly Aqsý qalasynyń ákimi Nurlan Dúısembınov habarlady.

– Kóktas aýyly mańynda, Belaıa ózeninen ótetin pontondy kópiri sýǵa batyp ketti. Alǵashqy kezekte sharýa qojalyqtary men kásiporyndardan tehnıkalar tartý arqyly ony shyǵaryp alý jáne jóndeý josparlanyp otyr, – dedi shahar basshysy.

Sondaı-aq ol adamdar men tehnıkalardyń qarama-qarsy jaǵalaýǵa ótýi úshin paromdyq ótkelder uıymdastyrylatynyn jetkizdi. 

Aýyl adamdary atalǵan kópirdi paıdalanyp shóp shabý jáne tasý jumystaryn júrgizedi. Jańa ponton kópirin salý úshin jobalyq-smetalyq qujattama ázirleýge jergilikti bıýdjetten qarajat bólindi.