Pavlodarda astyq alqaptarynyń 10 paıyzy oryldy

<p>PAVLODAR. KAZINFORM &mdash; Óńirdegi egin jınaý jumystaryn jańbyrly kúnder bógep tur. Dıqandar ár gektardan shamamen 11,7 tsentner ónim alǵan.&nbsp;</p>

Ertis-Baıan óńirinde astyq orý naýqany qyzý júrip jatyr. Qazirgi ýaqytta egis alqaptarynyń 150 myń gektarynda jıyn-terim jumystary júrgizildi. Bul — jalpy egistiń 10 paıyzy. Fermerler naýqandy qazan aıynyń sońyna deıin aıaqtaýdy kózdep otyr.

— Astyqty dándi daqyldar 146 myń gektardan jınaldy. Oblys boıynsha gektarynan 11,7 tsentner ónim jınalyp jatyr. Bul bizdiń óńir úshin jaqsy kórsetkish. Bıyl kóktemde ylǵaldyń mol bolýy egilgen eginniń jaqsy jetilýine múmkindik berdi. Endi dıqan qaýymnyń aldynda ala jazdaı ósirgen ónimin tókpeı-shashpaı jınap alý mindeti tur, - deıdi Pavlodar oblysy aýyl sharýashylyǵy basqarmasynyń bólim basshysy Esentaı Múrsálimov.

Qazirgi ýaqytta óńirde jańbyr jıi jaýyp, egis jumystaryna bógeý bolýda. Aýa raıyn boljaýshylar kelesi aptada kún ashylady dep otyr.

Bıyl kóktemdi Pavlodarda jańbyrǵa baılanysty egis jumystary keshigip jatqany týraly jazǵan edik. 

Mamandar jazdyń ystyq bolýy dándi daqyldardyń tez jetilýine jaǵdaı týdyrǵanyn aıtady.