Pavlodarda áskerı komıssarıattan qashqan áskerge shaqyrylǵan azamat izdestirilýde
07:30, 04 Mamyr 2021
PAVLODAR. QazAqparat – Pavlodarda oblystyq áskerı komıssarıattan qashyp ketken áskerge shaqyrylýshylar idestirilýde, dep habarlaıdy QazAqparat Pavlodarnews.kz. saıtna silteme jasap.
Óńirlik saıt jarııalaǵan kadrda eki jas jigittiń Pavlodar oblystyq áskerı komıssarıatynyń úshinshi qabatynyń terzesinen sekirip túsken kezi beınelengen.
Delovoı Kazahstan basylymynyń Qorǵanys mınıstrligine silteme jasap habarlaýynsha, jastardyń áskerden bosatylýyna zańdy negiz bolmaǵan jáne oblys ákimdiginiń jınalý pýnktinen zańsyz ketken.
«Zańdy sebeptersiz áskerı qyzmetten bas tartý» baby boıynsha áskerden qashqan azamattarǵa 1000 AEK kóleminde aıyppul salynýy múmkin nemese túzetý jumystaryna jegilip, 400 saǵatqa deıingi ýaqytqa qoǵamdyq jumyspen aınalysýy yqtımal. Sondaı-aq osy ýaqyt merzimine bas bostandyǵy shektelýi de múmkin.
3-shi qabattan sekirgenderdiń biri Pavlodar qalasynyń №1 qalalyq aýrýhanasyna tústi. Ol aıaǵynan jaraqat aldy, ekinshi qashqyn áli izdestirilip jatyr.