Pavlodarda árbir úshinshi otbasy jasandy uryqtandyrý qyzmetine júginedi
Pavlodar oblysy densaýlyq saqtaý basqarmasynyń málimetinshe, ótken jyly aımaq boıynsha 281 jup ekstrakorporaldy uryqtandyrý protsedýrasynan ótken.
EKU iske asyrý kezinde aýyl turǵyndaryna kóp kóńil bólindi. «Ańsaǵan sábı» memlekettik baǵdarlamasy boıynsha beriletin kvotany aýdandardan kelgen 75 erli-zaıypty alǵan. Oblys ortalyǵy men qala mańyndaǵy aýyldardyń turǵyndaryna 103 kvota berilse, Aqsýǵa 16, Ekibastuzda 87 jup kvotaǵa ıe bolǵan.
«Barlyq erli-zaıyptylar baǵdarlamany aıaqtady.Onyń ishinde oń nátıjege qol jetkizip, ata-ana baqytyna qol jetkizgen 86 jup bar. Olardyń arasynan eki otbasynda egizder dúnıege keldi. Ókinishke qaraı, 161 jup teris nátıje alsa, qalǵan 34-i kútý kezeńinde», - delingen basqarma bergen aqparatta.
2021 jyly Almaty jáne Astana medıtsınalyq ortalyqtaryna EKU tegin júrgizý úshin óńirge 290 kvota bólingen. Olardyń ishinde erli-zaıyptylardyń 38,6% - y oń nátıjege qol jetkizip otyr. Onyń arasynda úsh egizder men eki úshem dúnıege keldi.
QR Densaýlyq saqtaý mınıstrligi EKU baǵdarlamasynyń 11 jylynda Pavlodar oblysyna 335 kvota bólgen.