Pavlodarda apattyq jaǵdaı týǵyzǵan 500-den astam júrgizýshi jazalandy

<p>PAVLODAR. KAZINFORM &mdash; Óńirdegi joldarda apattyq jaǵdaı týǵyzatyn kólik júrgizýshileri tyıylmaı tur. Tek bir táýliktiń ishinde polıtseıler jol qaýipsizdigi boıynsha 273 zań buzýshylyqty anyqtaǵan.</p>

Pavlodar oblysynda apattyq jaǵdaı týǵyzǵan 500-den astam júrgizýshi jaýapkershilikke tartyldy.

— Mysaly, Aqsý qalasynyń polıtsııasyna qala turǵyny polıtsııaǵa qońyraý shalyp, Naberejnaıa-Áýezov kósheleriniń qıylysynda Haval markaly avtokólikti tizgindegen áıel adam apattyq jaǵdaı týǵyzǵanyn habarlady. Bul zań buzýshylyq ózge júrgizýshilerge kedergi keltirgen. Jol júrý qaǵıdalaryn buzǵany úshin kináli tulǵaǵa qatysty ákimshilik materıal toltyryldy. Sondaı — aq júrgizýshimen mundaı zań buzýshylyqtardyń aldyn alý týraly áńgime júrgizildi, — dep habarlady Pavlodar oblysy polıtsııa departamentiniń baspasóz qyzetinen. 

Qazir aýmaqta «Quqyqtyq tártip» jedel proflılaktıkalyq is-sharasy ótip jatyr. Polıtseıler bir táýlikte 827 zań buzýshylyqty anyqtaǵan. Onyń ishinde 14 adam kólik rýline mas kúıinde otyrsa, 135 adam jaıaý júrginshilerdiń jol júrý erejelerin buzǵan.

Eske sala keteıik, Pavlodarda beldik taqpaǵan 7 myńnan astam júrgizýshi jaýapqa tartyldy.